Botime për filmin shqiptar

Autor i botimeve: Abaz T. Hoxha

Është një filmografi e plotë për filmat artistikë të prodhuar nga kinostudio “Shqipëria e re” dhe Radiotelevizioni shqiptar e hulumtuar me saktesi shkencore dhe rezultat i një pune këmbëngulëse disavjeçare. Jepen të gjithë filmat artistikë të renditur kronologjikisht, minutazhi, metrazhi, autorët dhe interpretuesit, viti i prodhimit, premiera, çmimet, titujt e nderit me të cilët janë nderuar autorët, interpretuesit dhe filmat në festivale kombëtare e ndërkombëtare, përmbajtje e shkurtër dhe jehona që ka patur në shtyp /bibliografia/. Libri është i pajisur edhe me 72 faqe fotografi , kuadro nga filmat dhe çaste xhirimi.

ARTI I SHTATË NË SHQIPËRI
Bot: Shtëpia Botuese “Albin,1994 (164 f, 12 f, ilustrime, format 16,5x23,5 cm)

Është një studim i plotë mbi fillimet e kinemsë në Shqipëri 1900-1944. Jepen që nga shfaqjet dhe ngritja e kinemave të para në Shqipëri, shoqëritë kinemtografike të importit dhe distribucionit të filmave, konkurenca. Reklama, shfaqja e filmave të parë me zë, vendosja e monopolit të plotë mbi filmin nga pushtuesit fashistë e nazistë. Po kështu jepen xhirimet e para të filmave në Shqipëri nga viti 1903 nga shoqëri të huaja kinematografike, xhirime nga vëllezërit Manaqi dhe disa amatorë shqiptarë, jehona që i bënë me anën e filmit trupat pushtuese gjatë luftës së dytë Botërore etj. Libri është i pajisur edhe me rreth 12 faqe ilustrime, fotografi e reklama të kinemave etj.

ENCIKLOPEDI E KINEMATOGRAFISË SHQIPTARE - Autorë& Vepra- botim i I Bot:Akademia Shqiptaro-Amerikane e Shkencave dhe Arteve-Seksioni per Evropen,1999 (400 faqe me rreth 300 fotografi nga autorët dhe filmat). Format 14,5x20,5 cm)

Jepen alfabetikisht të gjithë skenaristët, regjisorët, aktorët, drejtorët e fotografisë, piktorët, kompozitorët, producentët, regjisorët e montazhit, grimierët dhe parukierët, kinoarkivistët si dhe veteranët që kanë çelur kinematë e para në Shqipëri nga fillimi i shekullit të kaluar. Libri përmban edhe treguesit e filmave artistikë dhe vizatimore sikurse edhe filmat që janë nderuar me çmime të ndryshme në Festivale Kombëtare ose Ndërkombëtare

ENCIKLOPEDI E KINEMATOGRAFISË SHQIPTARE - Autorë& Vepra, botim i II-Bot: Toena, 2002 (544 faqe me rreth 500 fotografi të autorëve dhe filmave. Format 14,5x20,5 cm)
Është një botim luksoz me kopertinë të fortë ku në dallim me botimin e parë është shtuar shumë informacion me filmat e vjetëve të fundit si dhe të disa aktorëve dhe piktorëve që nuk ishin përfshirë në botimin e parë.

“100 VJET KINEMA NË TREVAT SHQIPTARE” (1897-1997)
Botuar:”Marin Barleti , 2002 (400 faqe, format 21x25 cm, me rreth 700 foto të ndryshme)

Është varianti shqip i reduktuar i librit që kërkohet sponsorizim për botimin anglisht. Ky libër u botua vetëm në 100 kopje për mungesë fondesh financiare sikurse nuk u përfshinë në të rreth 60 faqe foto me ngjyra dhe disa informacione të tjera.

HISTORI ARTI
Botuar:Shtëpia Botuese e Librit Shkollor, 2002 (208 f, me foto, 19,5x27cm)

Është një tekst mësimor për shkollat e mesme i përgatitur me disa autorë të fushave të ndryshme. A. Hoxha ka shkruar kapitujt mbi “Historinë e kinematografisë botërore”,”Historinë e Kinematografisë Shqiptare” si dhe “Historinë e Fotografisë”

Kinematografia Shqiptare 2 - TheAlbanian Cinematography 2 (1985-2005)
Botuar “Toena” 2005 (666 faqe me foto B/Z +60 faqe Color, format 17x24)
 

më shumë për autorin Abaz T. Hoxha >>>